ექსპორტის სტიმულირება-ლიცენზირება/სერტიფიცირება
პროგრამის მიზანი:
- ექსპორტზე ორიენტირებული მცირე და საშუალო ბიზნესის საექსპორტო პოტენციალის ზრდა
- საერთაშორისო სტანდარტის დანერგვა
- ხარისხის დამადასტურებელი საერთაშორისო სერტიფიკატის მოპოვება
პროგრამის მოკლე აღწერა:
ექსპორტის სტიმულირების პროგრამის პროდუქციის სერთიფიცირება/ლიცენზირების კომპონენტი ითვალისწინებს საწარმოში საერთაშორისო სტანდარტის დანერგვას, ხარისხის დამადასტურებელი საერთაშორისო სერტიფიკატის მოპოვებას და მეწარმე სუბიექტის მიერ წარმოებული პროდუქტის ლიცენზირებას.
თანადაფინანსების მოცულობა :
III კატეგორიის საწარმოები - სერვისის ჯამური ღირებულების 80%
IVკატეგორიის საწარმოები - სერვისის ჯამური ღირებულების 90%
სააგენტოს თანადაფინანსების ოდენობა, პროდუქტის ლიცენზირების / სერტიფიცირების მიზნით ერთი ბენეფიციარისთვის შეადგენს არაუმეტეს 10 000 ევროს ექვივალენტს შესაბამის ვალუტაში.
სააგენტოს მიერ თანადაფინანსება განხორციელდება რეტრო ბონუსის, ე.წ. „ქეშ-ბექი“-ს პრინციპით, რაც გულისხმობს სრულად გადახდილი თანხიდან თანადაფინანსების თანხის ანაზღაურებას.
პროგრამის სამიზნე ჯგუფი და გეოგრაფიული არეალი:
ექსპორტის სტიმულირების პროგრამის კომპონენტით შეიძლება ისარგებლონ III და IVკატეგორიის საწარმოებმა
პროგრამის სამიზნე ეკონომიკური საქმიანობები:
პროგრამის სამიზნე ეკონომიკური საქმიანობების ჩამონათვალი იხ. ფაილების დანართში
პროგრამაში მონაწილეობის კრიტერიუმები:
პროგრამაში მონაწილეობის მისაღებად, დაინტერესებული კომპანია, რომელიც მიეკუთვნება III და IV კატეგორიის საწარმოს, აუცილებელია რეგისტრირებული იყოს ვებ-გვერდზე: www.tradewithgeorgia.com
პროგრამის ფარგლებში წარმოსადგენი დოკუმენტაცია:
- მომსახურების შესყიდვისთვის წარმოდგენილი საბაზრო ფასის შესაბამისობის აუდიტის დასკვნა
- პროექტის მიზნობრიობის დასაბუთება
პროგრამის განხორციელების ვადები:
მიმდინარე
